Wy Peter dye Roever ind Henrick dye Man Scepenen in Tyell oirkonden apenbairlick dat voir onss Richter in Tyell ind voir
ons als Inne gericht syn komen Dye Eerbaeren inde geestlichen heer Geryt Laeckhuys vanden Weerde Pater Elizabeth poirters
van Dryell Matersse ind Soete van Heessell Procuratersse des Convents van sent Cecylien binnen der stat van Tyell vurscreven gelegen
myt oeren gecaeren momber ind mit vonnijs der scepenen dair toe gegeven Ind hebben van wegen des Convents vurgemelt gelaefft broider Henrick
van [Ooten] als eyn recht toefenger ind tot behoeff des Convents vanden [pretgeren] oirden bynnen Colne gelegen eynen besegelden

 

tynsbryeff ind den Jairlichen ind erfflichn tyns inden selven bryeff begrepen dair desen onsen tegenwoirdigen transfixbrijeff doir is
gesteken in alre formen ind manieren als dye vurgemelte principaell bryeff dat inhelt ind begrijept / twaeren Jair ind Dagh
voir alle den [goeven] dye des then rechten komen willen. uijt eynen stuck landts halden ombtrent vyer mergen landts Inden gerichte
van Zandtwyck gelegen dair alre neest gelandt is Pauwels Wynaltssoon ayn eyn syde ind Derick Geerlackssoon ayn dander syde Ind
voirt uyt oeren Convent vurscreven ind alle oeren conventz guederen Rede ind onrede Inden gerichte van Tyell ind van Zandtwyck gelegen

als erffcoips recht ind gewoyntheit is to waeren Inder Stat van Tyell ind derp van Zandtwyck vurscreven ind voirt mede uyt
allen oeren guederen dye sy nu hebben off hyrnaemaels crygen moigen inden vurgemelte gerichten gelegen / beheltlicken dye loesse nae Inhalt
des selven principaels bryeffs vurscreven Sonder alle argelist Ind dyt is alsoe gevest myt vondenysse der scepenen dat dye vurgemelte
vercoiperen dyt des naemaels nyet to brecken en moigen myt ennygen rechten In oirconde desbryeffs besegelt mit onse segelen
Gegeven Int Jair ons heeren duysent vyffhondert sessindtwyntich den lesten dagh der maente Januarij -