tot Culenborch dat gelegen leit inder heerlicheit van Buesinchem geheiten is den
Gheer dair boven naist gelant is die pastoren tot Buesinchem beneden naist
die heren van sunte Martijn TUtrecht Ende sy vertegen dair voirt op mit
hande halme ende mit monde alsoe dat die gerijts lude wijsden dat dair Dirck
die Mesmaker ende Fye sijn echte wijf ende Jan van Tiel Gosenssen voirscreven ghesa-
mellick af onteerft sijn ende huer erven ende dair nyet meer rechts noch toe
seggens aen en behielden noch huer erven Ende dat dair Gerijt Melijssen tot
behoef des gasthuys voirscreven aen gheerft is ende huer erven ofte nacomelinge
ten ewigen dagen naden lant recht voirt soe geloven dese voirscreven Dirick
die Mesmaker ende Fye sijn echte wijf ende mit hem Jan van Tiel voirscreven dit vorseide
lant te vryen ende te waren Jair ende dach erffelick ende ewelick tegens al den
genen dies ten recht comen willen al voir commer voirplicht af te doen als
erfcoep recht is Inden lande van Buren ende van Buesinchem dair dit ghe-
sciede waren over als gerijts lude Korstiaen Hermanssen Dirck Roelofssen
In oirconde des so hebben wij drossaten voirscreven desen brief besegelt mit onsen
segellen Gegeven Int Jair ons heren dusent vierhondert negen ende veertich
opten vierden dach Inden meye

Regest
4 mei 1449

Johan van Hese en Peter Vighe, drosten van Bueren en Buesinchem, oorkonden, dat Diric, de mesmaker, Fye, zijne vrouw, en Jan van Tiel Gosenszoon overgedragen hebben aan Gheryt Melyszoon ten behoeve van het gasthuis te Culenborch tien hont land, geheeten den Gheer, in de heerlijkheid Buesinchem.
Oorspr. (Inv. no. 1400). De zegels der oorkonders zijn verloren.
[^Van de Ven regest nr 105]

Copij vanden brieff dair In die kerckmeisters der kercken van sunte
Barbaren binnen Culenborch opgedragen ende overgegeven hebben des gast-
huysmeisters tot behoeff tgasthuys binnen Culenborch den vryen eygendom
ende alle rechts ende toeseggen als die kerck van sunte Barbaren voirscreven had aen
twe mergen lants In die Cortehoeven ende Aernt Oss hier voirtijts gegeven heeft
Ende noch enen vrijen eygendom van enen mergen lants gelegen op Sijdervelt die
Coman Gelis hier voirtijts gegeven heeft Ende mit dese opdracht hebben die kerck-
meisters voirscreven van wegen der kercken voirscreven bij rade consent believen ende  goet-
duncken des Scholts Borgermeisteren Scepenen ende Rade der stat van Culenborch
den gasthuys binnen Culenborch voldaen van allen alsulcken erven ende landen
ende Renten als van wegen der kercken van sunte Barbaren voirscreven binnen die
naeste drie ende vier Jaeren voirleden vercoft sijn totter timmeringe der
selver kercken In welken landen ende erve dat gasthuys voirscreven mede
gheerft ende gerechticht was na Inhalt sbrieffs welken principael
brieff geleyt Is Int gasthuys kiste

Wij Joest van Bueren Richter Koenraet Zuermont Gerit van Everdingen
Gerit van Dichteren ende Joest Geritssen Scepenen tot Culenborch oirkonden onder
onsen segelen ende doen kondt alsoe die kerckmeisters van sunte Barbaren
kerck binnen Culenborch binnen die naeste drije ende vier Jaeren voirleden sekeren
landen ende erve vercoft hebben van wegen der kercken voirscreven bij den Scholt
Borgermeisteren ende Scepenen der stat van Culenborch totter tymmeringe der
selver kercken voirscreven In welken landen ende erve die vercoft sijn die deken ende

Capittel heren van sunte Barbaren kerck voirscreven Ende tgasthuys tot Culenborch
mede gheerfft ende gerechticht waeren wair van die kerckmeisters van sunte
Barbaren kerck voirscreven bij den Schout Borgermeisteren ende Scepenen tot Culenborch
den deken ende Capittel heren voirscreven van wegen der kercken voirscreven hoir aendeel vernuecht
ende vergoyt hebben aen anderen lande ende erve ende Renten Inden Scependom van Culenborch
Inden Jair ons heren dusent vijffhondert achtien opten elfften dach In septembri na
uutwijsinge ende Inhalt sbrieffs dair aff sijnde Ende die kerckmeisters van sunte Barbaren
kerck voirscreven nu Inder tijt wesende als Dirck van Koten ende Roeloff Willemssen den gast-
huys tot Culenborch oick bewijsen ende verstoeren souden vanden landen ende erve dat
vercoft Is dair tgasthuys voirscreven mede In gheerfft ende gerechticht was // Als Inden
yersten enen halven mergen lants die tgasthuys had In een vierdel lants op Lanxmer
die Willem Leest gegeven heeft // Item ten anderde tgasthuys aendeel van twe mergen
lants In die Cortehoeven die Claes Eernsten ende sijn huysfrou gegeven hebben dair tCapittel

voirscreven Jairlix uut had enen halven schilt Ende tgasthuys voirscreven Jairlix uut had een
quartier schilts Ende dan voirt hadden die kerck ende tgasthuys voirscreven den pacht vanden
twe mergen lants voirscreven gelijkelijken // Item ten darden enen halven ouden schilt erff-
renten sjairs uut een vierdel lants op Recum die Peter Janssen die Raymaker In erffpacht
heeft ende heer Ghijsbert die Kemp gegeven heeft // Omme dese voirscreven parceellen
den gasthuys voirscreven te vergoeden ende te verstoeren Soe hebben die kerckmeisters voirscreven
Dirck van Koten ende Roeloff Willemssen voir ons Schout ende Scepenen voirscreven bij rade
consente believen ende goetduncken van ons bijden Borgermeisteren ende Rade der stat
van Culenborch opgedragen ende overgegeven van wegen der kercken van sunte Barbaren
voirscreven Jan Jan Beerntssen als gasthuysmeister tot behoeff des gasthuys tot Culenborch
dese twe nabescreven parceellen van lande ende erve // Inden yersten enen vrijen
eygendom ende alle rechts ende toeseggen als die kerck van sunte Barbaren voirscreven heeft
ende hebben mach ende gehadt heeft tot datum des brieffs toe aen twe mergen lants
soe groot ende kleyn als die gelegen sijn In die Cortehoeven / dair boven naest gelant

Is Cornelis die Man ende beneden onse heere van Culenborch [etcetera] streckende van
sunte Peters vicarijenlant In sunte Barbaren kerck totten Hollerwech toe welke
twe mergen lants Aernt Oss hier voirtijts gegeven heeft In testament In manieren
nabeschreven is dat die kerck van sunte Barbaren binnen Culenborch Ende tgasthuys
binnen Culenborch vanden pacht van die twe mergen lants voirscreven Jairlix heffen
ontfangen ende boeren souden elx van elff penningen vier penningen Ende die deken ende
Capittel heren binnen Culenborch drije penningen welke drije penningen die deken
ende Capittel heren voirscreven der kercken van sunte Barbaren voirscreven opgedragen ende
overgegeven hebben voir Schout ende Scepenen In desen Jaer op datum desbrieffs na
uutwijsinge ende Inhalt segel ende brieve dair aff sijne Ende overmits deser
opdrachten ende overgevinge sal dat gasthuys tot Culenborch die twe mergen
lants In die Cortehoeven voirscreven voirt aen ten ewigen dagen duerende alleen hebben
ende gebruycken sonder yet dair van uut te geven // Item ten anderde hebben
die kerckmeisters van sunte Barbaren kerck voirscreven Jan Jan Beerntssen gasthuysmeister