lude hier beneden bescreven gecomen is Inden gericht van Tricht Willem
van Ingen ende gaf ende droech voer op mit sinen vryen moet wille Aernt
Jans zoen tot behoeff des gasthuys van Culenborch enen vrijen eygen-
dom van neghendalff hont lants ter goedermaten gelegen Inden
Langen Camp dair boven naist gelant Ot van Laxweerde ende Claes
Aerntszoen ende beneden Dirck Aernts soen streckende boven aen die ghe-
meen Broecsteghe ende beneden aen die Buesinchemsche Weteringe sonder
dijck ende sonder tijns Ende heft hier na op vertegen mit hande halme ende
mit monde soe dat oerdel ende vonnisse der gerichts lude wijsden dat Wil-
lam van Ingen voirgenoemd vanden voirscreven erve onterft is ende dat hij noch sijn
erven dair gheen recht noch toeseggen meer aen hebben noch en behouden
Ende dat Aernt Jans soen tot behoeff des gasthuys van Culenborch voirgenoemd dair
aen gheerft is ende dattet tsijn vaste ende stede is ende synen erven mitten
lantrecht voirt soe geloefde Willem van Ingen voirgenoemd voir hem ende
voir sinen erven Arnt Janssoen tot behoeff des gasthuys van Culenborch
off synen erven dit voirscreven erve ende lant te waren Jair ende dach nae datum

sbriefs voir alle die ghene dies ten rechten comen willen ende all voir-
commer ende all voirplicht aff te doen als erfcoeps recht is Inden lande
van Buren Ende dair op doen te vertijen al die ghene die dair mit recht
op zullen vertijen daer dit geschiede waren over als gerichts lude
Hubert van Lent ende Lambert Stevenssoen In kennissen der wairheit
soe heb ic Johan van Oye heer van Ubbergen amptman voirgenoemd desen brief
open over my ende over dese voirscreven gerichts lude besegelt mit mynen
segell Ghegeven Int Jair ons heren dusent vierhondert ses ende dertich
op sinte Gheertruden dach der heyliger Joncfrouwe

Regest
17 maart 1436

Johan van Oye, heer tot Ubbergen, ambtman van Buren en Buesinchem, oorkondt, dat Willem van Ingen overgedragen heeft aan Aernt Janszoon ten behoeve van het gasthuis te Culenborch 8,5 hont land in de Langen camp aan de Broecsteghe en de Buesinchemsche wetering.
[^Van de Ven, regest nr 83]

Copie
Wij Jacob Berntszoon ende Jasper Thomaszoon Scepenen tot Culenborch
doen condt eenen yder dat op huyden date deses voor ons In eygener persoon
erschenen Is Thielleman Dircxzoon als saeckholt ende borge Gelooffden Jan
Verlaer gasthuysmeester tot behoeve vanden gasthuijse alhier ses gulden
derthijen stuver een blanck des Jaers uuyt zijnen bomgaert gelegen Inden Ham
boven Roeloff Dircxzoon ende beneden het Capittele alhier / ende voorts uuyt
alles goets erffelijcke losrenthe vrijs gelts te betaelen Jaerlicx
ende alle Jaer opden VI^en September daer van de eerste Renthe /
omcomen sall den VI^en September sesthijn hondert vijfthijen ende soe voorts
Jaerlicx van Jaere te Jaere Geschyede betalonge Jaerlicx ende alle
Jaer ten daeghe voorscreven nyet Soe mach men dat uuijtpanden aenden bomgaert
voornoemd ende voorts aen alles goets als men pacht ende vrij Renthe /
gewoentelick Is te panden Inden Scependomme van Culemborch / te lossen
mit een hondert soeven gulden hooftsoms / ende zijn dese penningen gecomen doer
afflossinge van Dirck Arienssen Schipper allet sonder arch des ten
oirconde hebben wij Scepenen voornoemd elcx onsen zegel hier onder aengehangen
Inden Jaere ons heeren sesthijen hondert veerthyen opden VI^en dach der maent
In September ende was onderteykent H.C. van Diemen ende besegelt
mit twee uuythangende zegelen van groene wasse