Wij Gerit van Rossum richter Inden karspelen van Everdingen ende van Zydervelt Hubert van Sliterhoven
Jacob die Lewe ende Jan die Meyer scepenen aldaer orconden onder onse zegelen dat voir onss quamen Gerit Aernts
soen Aernt ende Wouter Gerits kijnderen ende Heylwich sijn dochter den selven Gerit hueren vader huer mit recht gegeven
wart tot enen momber ende gaven over ende droegen [op] Melis Scavaert tot behoef den gasthuus tot Culenborch enen vrijen
eygendom van dat rechte zestiendendeel van drie strypen lands mit hueren rechten also die gelegen sijn op Goedberdingen
daer boven naest gelandt is Fye Mouweris Zuermonts wijf was mit hueren kijnde ende beneden Ludolf van
Rijswijck ende Herman Pijl mit gemeenre voren also hem dat aen gecomen is van dode Geertruut Gelis  Ende sij
vertegen daer na op tot behoef den gasthuus voirscreven mit allen recht dat die scepenen wijsden dat recht
is beheltelic den heere ende enen ygelic sijns rechts voert so geloefde Gerit Aernt soen voirgemelt ende sijn kijnderen
voirscreven als sacwout ende borge desen voiscreven eygendom te waren Jaer ende dach ende alle voirplicht aff te doen
als erfcoep recht is  Gegeven Int Jaer onss Heeren Millesimo vierhondert negen ende twijntich op Sente Mathijs
dach apostel

Regest
1429 februari 24
op Sente Mathijs dach apostel

Gerrit van Rossum, richter, Hubert van Sliterhoven, Jacob die Lewe en Jan die Meyer,
schepenen in de kerspelen Everdingen en Zydervelt, oorkonden dat Gerit Aernts soen en zijn
kinderen Aernt, Wouter en Heylwich overgedragen hebben aan Melis Scavaert, ten
behoeve van het gasthuis, "dat rechte zestiendendeel van drie strypen lands" te
Goedberdingen, door hem geërfd van Geertruut Gelis, waar boven naastgeland is Fye die
Mouweris Zuermonts wijf was met haar kind en beneden Ludolf van Rijswijck en
Herman Pijl "mit gemeenre voren".

In groene was het zegel van de vierde oorkonder en de zwaar beschadigde zegels
van de eerste en derde oorkonder, het zegel van de tweede oorkonder is verloren
gegaan.

Afschrift van inv.nr. 1262 fol. 16 verso. Scheur linksboven.
afmetingen in mm: 241 x 99

[^van de Ven nr. 58, Hokke nr. 222]