Wy Arnolt vander genaden gaitz Hertoige van Gelre ende van Gulich ende Greve van Zutphen Doen kont ende
bekennen voir ons onse erven ende nakomelingen / dat wy onser Stat van Tiel hoeren Burgeren ende Ingesetenen
die nu sijn off hiernamails wesen soelen / ende onsen dorpe van Sandwijck gegont hebben ende gonnen mit desen
onsen openen brieve voir onsen  Toll tot Oyen wair dat die oich gelacht / off in wes handen die komen mochte
mit hoerre haven ende guede tolvrij te varen / Beheltlich ons ende onsen erven ende nakomelingen / dat sij oirloff=
eysschen ende gesynnen soelen aen onsen Tolneren / ende wordt hoiren oirloffs geweygert / so moigen sij dan varen
sonder ons dair aen te broeken Sonder alle argelist / In oirkonde ende getueghnisse  der wairheit  So hebben wy
onsen Segel van onsen rechten weten ende wille aen desen openen brieff doin ende heyten hangen Inden Jair onss heeren
dusent vierhondert vierendedertich/ des guedensdaighs na den Sonnendage Als men singht Letare Jherusalem  
 
   
 

 
 

Per domini ducem presentibus de Consilio, domino Johanne Schelart de Obbendorp magistrocurie necnon domino Engelberto de Oersbeke militibus

REGEST
[10 maart 1434]
Arnolt, hertog van Gelre, geeft aan die van Tiel en Sandtwijck vrijstelling van de tol te Oyen. In den jair onss Heren dusent vierhondert vier ende dertich des Guedendaighs na den Sonnendage als men singht Letare Jherusalem. Met het zegel van den hertog in rode was.
Gedrukt: van Veen, blz. 7.