Wy Aernt die Man ende Gosen van Cuyck scepenen tot Culemborch doen condt enen yegelicken dat voer ons gecompareert ende erschenen is Jan
die Moelre als saecholt ende borge geloefden Anthonis Coel als huysmeyster van Sunte Elisabeths capelle opten Havendyck hondert ende acht ende
twintich gulden Hollans tot twintich gevalueerde stuver dat stuck die hy van wegen als voeren aen rent staende heeft Omme acht der voerscreven
guldenen des syaers verschenende jaerlicx op Onser Liever Vrouwen dach den achten In decembris vermoegens der brieven daer aff zynde gaende
uuyt sekere lande dat Jan voerscreven van Dirck van Sonsbeeck gecocht heeft / Dese voerscreven hooftsomme mit die lopende rente aff te lossen Onser
Liever Vrouwen dach voerscreven anno xvc. acht ende veertich Ende Indien Jan die Moelre voerscreven Inde betalinge gelyck voerscreven bebreckelick
bevonden wordt soe mach Jan die voerscreven penningen omme rent handen des syaers den penning om sestien Beheltelicken dat Jan voerscreven alsdan
gehalden blyft den voerscreven huysmeyster Inder tyt te vestigen ende te erven uuyt een vry seker onderpant daermen genoechsaem aen versekert
ende bewaert zy Ende Indien dat die vestenisse alsoe geschieden gelyck voerscreven is blyfft Jan voerscreven altyt gehouden wanneer hy lossen sal
willen een vierder Jaers dat te voerens op te seggen sonder alle argelist des toirconde hebben wy scepenen voerscreven elcx onsen segel aen
desen brief gehangen Inden Jaer ons Heren duysent vijfhondert acht ende veertich opten thienden dach In martio
Cristiaen Dircxzoon
Regest
1548 maart 10
Aernt die Man en Gosen van Cuyck, schepenen te Culemborg, oorkonden dat Jan die Moelre
toegezegd heeft aan Anthonis Coel,als gasthuismeester van de St.Elisabeths kapel op
de Havendijck, 128 gulden tegen 8 gulden rente per jaar.
In bruine was de zwaar beschadigde zegels van de oorkonders.
Ondertekend door Cristiaen Diericxz. Klein gaatje links-midden.
afmetingen in mm: 317 x 90
[^Hokke nr. 445]
