Ic Jan Knoep Dircssoen doe kont ende bekenne In desen openen brieve voir mij ende mijnen erven dat ic wittelick ende wail gehuert ende In
enen rechten erfpacht ontfangen ende aengenomen hebbe van Claes Gheritsoen ende sijnen erven een hofstat ende bongairt so die myt
sijnen rechten ende toebehoeren gelegen is opten Havendijck boven naist gelegen Henrick wedue Dirck Pauwelsoen ende beneden die
gheestelicke zusteren tot Culenborch Welke vurscreven hofstat ende bongairt Ic Ian vurscreven ende mijn erven onder hebben ende gebruycken sullen ewelick
ende erflick voir drie Rijnssche gulden Jairliken pachten als twijntich witte stuver gerekent voir elken gulden desen vurscreven erfpacht Jairlix
ende alle iair te betalen op Sunte Johans dach Baptista toe mijdsomer of bynnen die naiste viertiendagen na elken termijn vurscreven
onbegrepen Ende wairt sake dat ic of mijn erven den selven Clais voirseijt ende sijnen erven desen vurscreven erfpacht Jairlix ende alle iair
nijet en betailden op elken termijn als voirscreven steet so mogen Clais voirseijt ende sijn erven desen voirscreven erfpacht Jairlix ende alle iair uut panden
alsmen pacht gewoentlick In te vorderen pleecht myt alsulken vorwairden dat ic Jan vurscreven ende mijn erven Jairlix ende alle iair betalen
sullen alsulken heren tijnx als dair Jairlix uutgaet op sulken dagen dat gewoetlick Is buten toedoen cost of scade Claes vurseijt of sijnen
erven Ende of is Jan vurseijt of mijn erven tot enygher tijt hier In versumeliken worden also dat Claes vurseijt of sijnen erven den vurscreven
tijnx selver betalen mosten Soe bekenne ic mede dat ic Jan vurseijt ende mijn erven alsdan vervallen sullen wesen van alle deser
vurscreven weren rechts ende toe seggens ic ende mijn erven dair aen hadde soe dat ic ende mijn erven dan gheenreley rechts of toe te
seggen dair meer aen en hebbe of behalden en sullen sonder Argelist Ende overmyts gebreck mijns segels tot deser tijt so heb
Ic Jan Knoep Dircsoen vurseijt deses toirkonde gebeden Henrick Zuermont ende Arnt die Man scepens tot Culenborch desen brief over
mij te willen besegelen Ende wij Henrick ende Arnt scepenen vurgeruert hebben om beden wille Jans vurseijt onse segelen over hem
aen desen brief gehangen Gegeven Int iair ons Heren dusent vyrhondert acht ende tsoventich opten sonnendach Invocavit
Regest
1478 februari 8
opten Sonnendach Invocavit
Jan Knoep Dircsoen verklaart gehuurd en gepacht te hebben van Claes Gheritsoen een
hofstede met boombaard gelegen op de Havendijck tussen Henrick de weduwe van
Dirck Pauwelsoen en de "gheestelicke zusteren, voor 3 rijnse gulden per jaar.
De zegels van de oorkonders zijn verloren gegaan.
Transfix, gehecht aan oorkonde d.d. 1506 oktober 8.
In dorso staat dat deze brief door Katherijn Wermbout Geritssoen
huijsfrou gegeven is "om een lamp te barnen in den omganck voir dat weerde
Heilige Sacrament ten ewigen dagen".
afmetingen in mm: 241 x 123
[^van de Ven nr. 172, Hokke nr. 132]
