Wy Jan Dircksoen ende Aert Janssoen scepenen Inden kerspelen van Everdinghen van Sydervelt ende van Honswyck oirkonden onder onsse
segelen Dat voir ons quam Gysbert Aryaenssoen als sacholt ende borgh ende loefden voir hem synen erven ende naecomelingen Alyt
Wyllem Roelofsoen dochter hoeren erven ende naecomelingen twe gouden Hertoch Philippus gulden of dye gerechte weerde daer voir aen
goeden gevaluerden Brabantschen gelde hoirre weerden des Jaers te renth vrys gelts uut syn huys hofstat berch schuyr ende erff
ende goet boemgaert so dat myt allen synen rechten ende toebehoeren gelegen leyt op Sydervelt aenden Dyeffdyck dat Ghysbert
voirscreven aen gecomen is in hylyxvoirwaerden myt Aryaen Cornelis dye Bonts dochter syn echte huysfrou oeck uut alle goets
hy daer aen gecoft heeft ende getymmert ende voirt uut alle syn goet dat hy nu heeft off noch vercrygen mochte of hem
aen comen mochte noertwert naest gelegen Hubert Claessoen vander A suytwert Styn Aryaens myt hoeren kynderen oestwert dye
Culenborchsche Vlyet westwert Sydervelt Vrys gelts te betalen Jairlix ende alle Jair op Sinte Peters dach ad Cathedram off veer=
tyen dage dair naestvolgende onbegrepen daer nu Petri voirscreven anno vyfftyenhondert vyer ende veertich dye yerste renth aff
verschynen ende omcomen sal Gescyeden dese betalinge nyet ten dage voirscreven soe machmen dat Jairlix uut doen panden aen
huys hofstat eerff ende boemgaert ende alle goets voirscreven alsmen pacht ende vry renth gewoentlicken is uut te panden Inden lande
van Culenborch Myt sulcker voirwaerden dat Gysbert voirscreven syn erven ende naecomelingen dit goet voirscreven nyet vercopen versetten noch
oeck nyet vorder beswaeren en sullen dan by wylle consent ende toe doen Alyt voirscreven ofte haren erven Ende indyent tot averij gescyeden dat
sal van onmachte syn behouden Gysbert syn erven ende naecomelingen hoeren ewygen eerflossinge opten dagen voirscreven myt twaloff enckel keij-
sers gulden vyff Hertoch Philippus gulden elcken gouden penninck goet van goude ende vol van gewychte noch myt drye ende tseventich sylveren
Vlyesen ende myt hondert ende acht dubbelde Brabantsche gevaluerde stuver allet voirscreven gemunt ende geslagen voir datum des [brijeffs]
hoeft gelts ende anders geen gelt ende mytten verschenen onbetaelden pachten sonder argelist Gegeven Int Jair ons Heeren Duijsent vijff
hondert drye ende vertich des dinxdages nae Palmsonnendach.
Regest
1543 maart 20
des Dinxdages nae Palmsonnendach
Jan Dirchsz en Aert Jansz, schepenen in de kerspelen Everdinghen, Sydervelt en
Honswijck, oorkonden dat Gysbert Aryaensz toegezegd heeft aan Alyt Wyllem
Roelofsdr een rente van twee gouden Hertoch Philippus gulden per jaar, afkomstig uit zijn huis
onder Sydervelt aan de Dyeffdijck gelegen tussen Hubert Claesz vander A en Styn
Aryaens. Het huis is aan Gysbert gekomen in "hylyxvoirwaerden myt Aryaen Cornelis
dye Bonts dochter".
De zegels van de oorkonders zijn verloren gegaan.
Transfix, gehecht aan brief d.d. 1543 maart 12.
afmetingen in mm: 273 x 110
[^van de Ven nr. 453, Hokke nr. 144]
