Wy Otto van Asperen ind van Vuern Alart van Haefften Johan van Haefften heer to Herwynen Gysbert die
Cock Ffrans van Haefften Johan van Haefften Ottenssoon Cornelis van Herwynen ind Johan die Rowe Schepenen In Tuyl
Tuygen dat wy nae vragen des Gezwoeren richters ons genedigen heren In Tielrewert daer wy mede to Tuyll Inder bancken to Gericht
geseten waren uuijt gesynnen Johan van Rossem bastart voir hem ind met aenfanck wyl ind consent der kerckmeysters geerffden
ind gedyckslaechden tot Horwynen aenlegger ter eenre Inde die Procuratoer der momberen ind wezekynderen zelige Johan
Massereell verweerderen ter ander syde Rurende war met recht wesen soude vander aenspraick des clegers Ind antwert
der verweerderen Rurende die aff...orckonge van kribben hoeffden ind duyckers tegen den Horwynensen Schoerdyck gemaict
ind gelacht wyders Inhaltz der clachten Ind nae antwert Art Heym voer hem ind als momber Ind mede In naem van
Herbert van Massereel oick mede momber der kynderen vurseyt Wert nae besichtonge opter Walstadt schyn ind bescheyt ter eenre
ind ter ander syde gehoert ind Ingebracht Derhalffen eendrechtlich met vonnis gewesen hebben met gevolch der Schepen
van Deyll ind met voirberaet der Schepenen van Boemel Driell ind Zulichem / Als dat die wezekynderen vurseyt off die oer
the verantwerden met recht schuldich syn alle Kribben hoeffden tuynen ind duyckers tegen inde In schaede des

vurgeruerde schoerdijckx gemaict ind gelegen affdoen opbreecken ind nyet weder maicken noch repareren sullen wye
dan sulx nae lantrecht behoerlick is Ind die verweerderen die oncosten dair op beraemt sullen warden schuldich
to syn to verplegen ind acht gulden van Inleggerens gelt den cleger weeromb to geven Ind dit ter tyt wy saegen offte
hoerden bescheit totter dan toe noch gedaen hebben Orcond onser Lettern Gegeven Inden Jaer ons Heeren duysent
vijffhondert ind tsestichdennegenthienden novemvbris