Allen den genen die desen brief zellen zien of horen lesen Doe ic verstaen Willam Zasse Richter tot Honswijc van mijns liefs heren wegen van Culenborch ende vander
Lecke in deser tijt / dat voir mi voir die lantgenoten ende voir die buere die hier na bescreven staen gecomen is int gerichte Huge die Heelt ende begheerde eens
oerdels of die acker lands also als hi gelegen leyt inden zelven gerichte voirseyt daer boven naest gelant is Geriit Jacops soen ende beneden naest gelant die heer
van Culenborch mitten gemeynen wech van Bloemensteyn streckende uter weteringe aen den Middelwech alsoe vry ende also los sine waer dat hy en verzellen ver
setten ende enen vryen eygendom daer af geven mach dien hi woude Ende hem wert toegewiist dat hiit wel doen mochte mit rechte Doe gaf Huge voirseyt enen vryen
eygendom van dien acker lands voirseyt Johan Engbert zoen ende Melis Scavaert gasthuysmeisters tot Culenborch tot behoef des gasthuys tot Culenborch ende verteech

daer nae op rechte voert van allen Rechte ende toeseggens dat hi hadde aen den acker lands voirseyt alse lantgenoten ende buere wiisden dat Recht was ende mit
rechte bestedicht hebben sel Hier waren over ende aen daer dit gesciede alse lantgenoten ende buere Jacop Spruut Jan Heinrics soen Peter Willams soen
ende anders vuel goeder lude Ende wij lantgenoten ende buere voirseyt orconden ende tugen onder des Richters segel voirseyt dat wij hier mede over ende aen waren
daer dit gesciede ende hebben hem gebeden desen brief mede over ons te besegelen mit sinen segel Ende want ic Willam Zass voirseyt hier mede over ende aen
hebbe geweest daer dit gesciede als een richter van des gerichts wegen Ende mede om bede wil der lantgenoten ende buere voirseyt Soe heb ic desen brief
apen besegelt mit minen segel tot eenre orconden van des gerichts wegen Gegeven int iaer ons Heren dusent vierhondert ende twiintich op Sente
Urbaens dach

Regest
1420 Sente bUrbaens dach

Willam Zasse, richter te Honswijc vanwege de heer van Culenborch, oorkondt dat
Huge die Heelt, nadat het gericht op zijn verzoek verklaard had dat hij eigenaar was,
overgedragen heeft aan de gasthuismeesters Johan Engbert soen en Melis Scavaert ten
behoeve van het gasthuis te Culemborg een akker lands in het gericht van Honswijc.
Boven naastgeland is Geriit Jacops en beneden de heer van Culenborch en de
"gemeyne wech van Bloemensteyn", tussen de wetering en de Middelwech.
Aanwezig de landgenoten en buren zijn Jacop Spruut, Jan Heinrics soen en Peter Willams soen.

In groene was het licht geschonden zegel van de oorkonder.

afmetingen in mm: 336 x 132

[^van de Ven nr. 37, Hokke nr. 275]